Белорускиот претседател Александар Лукашенко денеска потпиша закон со кој се помилуваат речиси 8.000 затвореници по повод 80-годишнината од победата во Втората светска војна, објави белоруската агенција Белта.

Законот предвидува ослободување од казна и други мерки на кривична одговорност или ублажување на казната за сторување кривични дела кои не претставуваат голема јавна опасност или се помалку сериозни за одреден број категории осудени лица.

Меѓу нив се малолетници, бремени жени, жени и самци со деца под 18 години, лица со попреченост, лица погодени од катастрофата во Чернобил, како и оние кои биле повредени или болни за време на воена служба или служба во паравоени организации и други.

Наместо целосна амнестија, се воведува делумна амнестија во форма на едногодишно намалување на казната за лица осудени за кривични дела поради небрежност што резултирале со смрт на едно лице.