Со трансферот на Милан Алексиќ во англискиот Сандерленд, празна остана позицијата централен играч за врска на српскиот фудбалски клуб Раднички 1023 Крагуевац, која ќе ја пополни македонскиот интернационалец Лука Станковски (22), кој пристигнува на едногодишна позајмица од Газиантеп во Турција со право на откуп на договорот на крајот од сезоната.

Станковски се афирмираше како играч во скопски Работнички, каде со добрите настапи го привлече вниманието на бројни европски клубови.

Тогаш се шпекулираше дека за него сериозно е заинтересирана италијанската Монца, се споменуваа и Динамо од Загреб и Фенербахче, но тој заврши во Газиантеп, кој по повлекувањето од турската Суперлига поради страшниот земјотрес кој го погоди југоисточниот Анадолија на почетокот на минатата година испрати на позајмица во словенечката Горица.

По неговото враќање од Словенија, следуваше нова позајмица, овојпат во редовите на турскиот второлигаш Тузласпор, чиј дрес го носеше последните шест месеци.

Инаку, Станковски ги помина сите јуниорски репрезентативни селекции на Македонија, од кадетската, па сѐ до младинската репрезентација, за која забележа 25 настапи и постигна два гола.