
Лука Модриќ: Милан е клуб со огромна традиција и за мене ова е голем чекор
Лука Модриќ официјално го заврши одморот и му се стави на располагање на новиот тренер Масимилијано Алегри. Хрватскиот фудбалер, кој пристигна од Реал Мадрид, се придружи на подготовките на Милан, а неговите први изјави како играч на „росонерите“ открија посебна емоција. Пред да го облече „црвено-црниот“ дрес, Модриќ даде неколку изјави за хрватските медиуми пред официјалното претставување.
Препорачано
– Уживав во три недели активен одмор, но во мојот ум веќе бев во нов предизвик. Милан е клуб со огромна традиција и за мене ова е голем чекор. Подготвен сум да дадам сè од себе. Како дете, гледав италијански фудбал, а Милан беше мојот омилен тим. Звонимир Бобан беше мој идол, а неговата улога во Милан остави голем белег. Тоа беше најпопуларниот клуб во Хрватска во тоа време. Кога ме контактираа од Милано, сè беше јасно – одлуката беше донесена без двоумење – рече Модриќ.
Милан не ги оправда очекувањата минатата сезона, но Модриќ верува дека може да биде важен дел од тимот што повторно ќе се натпреварува за титулата во Серија А.
– Знам дека доаѓам во клуб каде што очекувањата се огромни, а со тоа и мои. Ќе се потрудам да останам на највисоко ниво, и за клубот и за репрезентацијата, бидејќи следното лето имаме важен предизвик, ако даде Бог. Ќе ми треба малку време да се навикнам на тимот и да се запознам со тренерот, но верувам дека ќе се вклопиме многу брзо. Секако дека би сакал да играм во Европа. Милан е вториот најтрофеен клуб во Европа, веднаш по Реал. Но, можеби еден натпревар неделно ќе ни помогне да бидеме повеќе фокусирани на домашното првенство. Сепак, штета е што клуб како овој не игра во Европа.
Играв многу против италијански клубови – тие секогаш беа тактички совршено организирани, никогаш не беше лесно. Серија А е многу тешка, особено на тактичко ниво. Ќе биде голем предизвик и ќе морам брзо да се адаптирам – се зборовите на Модриќ.
Luka Modric ❤️🖤 pic.twitter.com/X2UNxg4JOW
— AC Milan TMN (@MilanTMN) August 4, 2025