Mинатата недела тренерот на Реал Мадрид, Карло Анчелоти се пожали на густиот распоред во текот на сезоната, но уште по драматичен распоред ја чека Осасуна.

Кон крајот на идната недела Осасуна изгледа ќе биде принудена да одигра два натпревари во само 24 часа што досега не се случило во најсилните првенства во Европа.

Натпреварот против Барселона кој требаше да се одигра на 8 март и кој беше одложен поради смртта на клупскиот доктор на каталонскиот гигант е презакажан за 27 март.

Но, проблемот е што Осасуна веќе има закажан натпревар на програмата против Атлетик Билбао само еден ден подоцна и тоа би значело дека тимот во 24 часа ќе одигра два натпревари.

Реакции на датумот имаше и Барселона бидејќи ќе мора да биде без јужноамериканците Рафиња и Роналд Араухо кој нема да стигнат навреме за натпреварот по обврските за своите репрезентации во квалификацциите за Светското првенство.