Љубовта има свој начин да ги обликува постапките, погледот на светот и начинот на кој лудо вљубената жена комуницира со личноста што ја сака. Иако секој ја изразува љубовта на свој начин, постојат одредени уникатни особини кои секогаш се истакнуваат, пишува „Е-клиника“.

1. Го нуди своето срце на дланка и не ги крие емоциите

Љубовта може да биде комплицирана. Таа е вртлог од емоции што нè обземаат, ги совладуваат нашите сетила и нè оставаат опиени. Но, кога жената е лудо вљубена, таа не бега од тие чувства. Таа ги прифаќа со цело срце. Љубовта ја прави храбра, ѝ дава сила да го подари своето срце на дланка и да ја покаже длабочината на своите чувства. Таа не ги крие емоциите, не глуми и не се крие – тоа што ќе го видите, тоа и ќе добиете. Ќе го покаже целиот спектар на своите чувства, затоа што кога е лудо вљубена, доволно верува во личноста за да се покаже дури и во најранливата форма.

2. Се дава целосно за личноста што ја сака

Многумина се сеќаваат на моментот кога за првпат се вљубиле, како некоја непозната сила да ги обзела, толку силна што ќе направеле сè за саканата личност. Ќе станат рано наутро за да донесат омилено пециво од другата страна на градот, само за да го израдуваат. Можеби изгледа како мал гест, но радоста што ја чувствуваат додека го прават тоа е неопислива. Не е важно дали ќе добијат благодарност – важно е да покажат колку им е грижа. Љубовта нè тера да правиме повеќе отколку што се очекува од нас, само за да го видиме нивниот сјаен осмев. Лудо вљубената жена ќе направи сè за мажот што го сака, дури и ако тоа бара мала жртва. Кога ќе го види среќен  и таа е среќна. Толку е силна нејзината љубов.

3. Среќата на саканиот ѝ е на прво место

Во љубовта, малите нешта се најважни. Кога жената е лудо вљубена, среќата на нејзиниот сакан станува нејзина сопствена среќа. Ќе направи сè што може за да го направи среќен, да подготви омилено јадење после напорен ден, да го поддржи во неговите важни моменти. Дури и ако тоа понекогаш значи компромис со сопствените желби, нема да ѝ биде тешко. За неа, вреди само да види насмевка на неговото лице или искра во неговите очи. Бидејќи љубовта е пред сè  давање, а не земање.

4. Со него е и во добро и во зло

Кога сè оди добро, лесно е да бидеш покрај некого. Но вистинската љубов се покажува кога наидуваат тешки времиња. Лудо вљубената жена тогаш станува негова карпа – стои до него, му дава поддршка и му помага да истрае. Таа не се повлекува кога е тешко. Го држи за рака, чекори покрај него и се соочува со секој предизвик заедно со него. Во нејзините очи, неговите битки се и нејзини битки, и ќе се бори храбро, со љубов и посветеност. За неа љубовта не е само пикник на сончев ден, туку и заедничко преживување на најсилната бура.

5. Ќе ве предизвикува

Можеби ќе ве изненади, но кога жената е лудо вљубена во вас, нема секогаш да се согласува со вас. Ќе ги предизвикува вашите мисли, ќе отвора дискусии, можеби дури и ќе влезе во расправија. Но не за да се кара, туку затоа што сака заедно да растете. Таа знае дека вистинскиот раст доаѓа преку предизвици и различни мислења, тие ни помагаат да видиме нови перспективи и да станеме подобри луѓе. Затоа не гледајте на нејзините предизвици како на расправија, туку како на доказ за нејзината длабока љубов и грижа за вашиот заеднички напредок.

6. Ќе ви укаже искрено почитување

Почитта е темелот на секоја силна врска. Кога жената е искрено и длабоко вљубена, ќе ви покаже вистинско почитување. Тоа не е само учтивост, тоа е искрено вреднување на вашата индивидуалност, на вашите способности и на вашите принципи. Ќе ги почитува вашите избори, вашиот простор и вашето јас. Никогаш нема да ве омаловажи или да ве натера да се чувствувате помалку вредни, бидејќи знае дека љубовта и почитта мора да одат заедно. Вистинската почит е најсилен доказ за длабока љубов.

7. Ќе ве сака безусловно

Најдлабок знак дека жената е лудо вљубена во вас е нејзината безусловна љубов. Ќе ве сака и во најдобрите и во најтешките моменти, во време на снага, но и на слабост. Жената која ве сака вистински нема да очекува да бидете совршени, таа знае дека вистинската љубов не е во наоѓање совршен човек, туку во совршена љубов кон несовршен човек. Нејзината љубов ќе биде постојана и непоколеблива, дури и кога времињата ќе станат најтешки. Ќе ве сака заради тоа што сте, а не заради тоа што можете да бидете.