Поради честите спорни ситуации при досудувањето на офсајд, улогата на помошни или линиски судии би требало да ја преземад роботи. Светската фудбалска федерација (ФИФА) има амбициозен план и премиерниот настап на роботите како линиски судии да биде на Светскотко првенство во Катар 2022 година.

Но, ова нема да биде прв пат слична технологија да се применува во фудбалот, бидејќи веќе беше тестирана на светското клупско првенство од минатата година.

– Идејата е да се забрза прегледувањето на снимката и одлуката дали станува збор за офсајд или не. Со помош на роботите тоа ќе биде и побрзо и попрецизно отколку сегашниот модел со прегледување на снимката од ТВ камерите – изјави Јоханес Холцмилер, директорот на ФИФА за технологија.

Наредните година и половина експертите од ФИФА ќе работата да подобрување на одлуките на роботите.

– Засега програмот не може да препознае варијанта кога станува збор за пасивен офсајд, конкретно кога играчот во напад го блокира просторот на голманот. Поради тоа, таа ситуација и понатаму ќе биде во надлежност на ВАР собата. Што се однесува до класичниот офсајд, ќе се зема во обзир и должината на стопалата на играчите кои се во линија – вели Холцмилер.

Светското првенство во Катар ќе се одржи од 21 ноември до 18 декември 2022 година.