Бившата гимнастичарка Алина Кабаева, која според гласините што се проширија во јавноста на рускиот претседател минатата година му роди близнаци, целосно исчезна од јавноста, пренесува Дејли мејл.

Според пишувањата на медиумите, Алина за која се зборуваше дека е долгогодишна партнерка на Путин, не е видена од 2018 година, кога се зборуваше дека е во вториот месец од бременоста.

Во април минатата година се пишуваше дека целиот четврти ВИП кат во Истражувачкиот центар за акушерство и  гинекологија „Кулаков“, бил испразнет за таму да биде сместена Алина, а Сергеј Канев, истражувачки новинар близок до руските разузнавачки служби објави дека бившата гимнастичарка родила две момчиња со царски рез.

Рускиот весник „Moskovsky Komsomolets“ ја пренесе приказната на својата интернет-страница, но набрзо ја избришаа споменатата информација.

Ни Путин ни Кабаева не ја потврдија информацијата.

Откако Алина наводно ги родила близнаците на Путин, ги прекинала контактите со нејзините пријатели. Иако исчезна од очите на јавноста, нејзината пријателка Лиасан Утиашева тврди дека Алина продлжила да остава цвеќе на гробот на нејзината мајка со картичка на која пишува: „Со љубов од Алина“.

Лисиан вели дека многу ретко се гледа со Алина, но сепак открива дека може да ѝ се јави на Кабаева ако има потреба и не ја осудува нејзината одлука да се скрие од јавноста.

„Ако некој сака да живее надвор од очите на јавноста, неговиот избор мора да се почитува“, вели Лисиан.

Алина Кабаева е една од најтрофејните гимнастичарки, со две олимписки медали, 14 медали од светките првенства и 25 медали од европските првенства.

Откако замина во спортска пензија, се врати во политиката и стана пратеник во партијата на Путин Единствена Русија.

Се шпекулира дека Кабаева и Путин се во врска од 2008 година. Пред тоа Алина била верена за политичарот Давид Муселиани.

Во 2008 година весникот „Кореспоиндент“ пренесе дека Путин и Алина се вериле, но овие наводи се негирани, а весникот беше затворен.

Со првата жена Људмила Путин се ожени во 1983 година и со неа има две ќерки, Марија и Екатерина Путини. Често се зборуваше дека Путин и Људмила се развеле, а самите тие го потврдија тоа во 2013 година.

„Путин е многу приватен човек, со години своите ќерки ги криеше под лажни имиња. Дури и сега, иако често зборува за нив, никогаш не ги именува. Ако Алина родила негови деца, нејзиното криење би можело да биде едно од најслилните наговестувања кои укажуваат на тоа. Опсесивен е по прашањето за безбедност на неговото семејство“, рекол извор за Сан.