Откако се збогуваше со Еурофарм Пелистер, Црногорецот, Мирко Радовиќ беше промовиран во Ловќен од Цетиње.

Во Ловќен, капитенот на битолскиот клуб пристигнува како големо засилување и од него многу се очекува.

„Тешко некој можепе да замисли дека дваесет дена по освојувањето на титулата како капитен на Еурофарм Пелистер, Мирко Радовиќ ќе се пресели во Ловќен за следната сезона. Ние верувавме, зборувавме и брзо се договоривме. Горди сме за нашата заедничка приказна во Ловќен, која ништо не можеше да ја расипе, ниту предизвикот во Лигата на шампионите“, објави црногорскиот клуб.

Неодамна Ловќен го промовираше и Перо Милошевиќ како нов тренер, а од ракометарите со тимот договори потпишаа Лука Вујовиќ, Филип Борозан и Вук Лакиќевиќ.