57-годишен ловџија од Штип е последната жртва во бескомпромисните напори на македонската полиција за откривање на нелегално оружје, соопшти МВР.

„СВР Штип поднесе кривична пријава против Ф.А.(57) од Штип поради постоење основи на сомнение за сторено кривично дело „неовластено изработување, држење, посредување и тргување со оружје и експлозивни материи“. На 13.02.2025 полициски службеници, со судска наредба, извршиле претрес во деловен објект во Штип, при што се пронајдени и одземени ловна пушка, ловни патрони, куршуми со различен калибар и распрскувачки материи“, велат од полицијата за последната во низата успешни акции, спроведени главно во источниот дел од земјата.