„Заедно со Ловечката федерација на Македонија решивме долгогодишен проблем кој ги засегаше ловците од општина Куманово“, соопшти денеска министерот за земјоделство Цветан Трипуновски.

Во просториите на ловечкото друштво „СОКОЛ” тој денеска им ги врачил договорите за времено одгледување и заштита на дивечот во ловиштата.

„Ова е едно од најстарите ловечки друштва во Македонија кое што слави 100 години постоење. Стотина ловци повторно ќе можат да се грижат за одгледувањето и заштитата на дивечот“, пишува Трипуновски во објава на „Фејсбук“.