Ужасна вест стигна до Арсенал, а тоа е дека Јуриен Тимбер ќе пропушти поголем дел од сезоната поради повреда на предните вкрстени лигаменти.

Според англиските медиуми, Тимбер ќе биде надвор од терените најмалку шест месеци откако се повреди на натпреварот против Нотингем форест.

Од неговото доаѓање од Ајакс, фановите го засакаа стилот на игра на Тимбер и тој брзо ги стекна симпатиите.

Но, тој се повреди уште на отворањето на сезоната по прекршокот што му донесе жолт картон.

Она што е сигурно е дека Тимбер ќе пропушти многу важни натпревари на Арсенал кој има амбиции да биде во главна трка за титулата во Премиер лигата.