Лорен Санчез, 55-годишната свршеница на основачот на Амазон, Џеф Безос, наскоро ќе го оствари својот сон да патува во вселената. Познато е дека Санчез е обучена да лета со хеликоптери, но овој пат ќе се најде во улога на патничка во поинакво летало.

Санчез ќе предводи целосно женски екипаж во мисијата на организацијата „Блу ориџин“, која во 2000 година ја основаше Џеф Безос како американска компанија за вселенска технологија со седиште во Вашингтон.

Лансирањето е планирано за оваа пролет, а Санчез ќе ѝ се придружи на импресивната група жени од различни области!

Меѓу патниците ќе бидат познатата ТВ водителка Гејл Кинг, популарната пејачка Кети Пери, инженерката за воздухопловство Ајша Боу, активистката за граѓански права Аманда Нгујен и филмската продуцентка Керијан Флин.

„Да ми кажеше некој дека еден ден ќе можам да одам во вселената, дефинитивно ќе се насмеев. Не можам да верувам дека ова се случува“, коментира возбудената Санчез.

Точниот датум на лансирање сè уште не е објавен, но се очекува тоа да се случи набрзо.