Американскиот секретар за одбрана Лојд Остин беше лекуван под општа анестезија поради проблеми со мочниот меур додека се бори со рак на простата, изјавија неговите лекари денеска, додавајќи дека тој е подготвен наскоро да продолжи со работните обврски.

„Не се очекува продолжен престој во болница. Очекуваме дека секретарот за одбрана на САД од утре да може да ги продолжи своите вообичаени должности. Тековните здравствени проблеми  не се очекува да го променат неговото очекувано целосно закрепнување“, наведоа неговите лекари во соопштението до јавноста.

Американскиот секретар за одбрана Лојд Остин бил хоспитализиран на 1 јануари поради постоперативни компликации и уринарна инфекција откако се оперирал од рак на простата во декември, објави Националниот воено медицински центар Волтер Рид. Ракот бил откриен на почетокот на декември, а Остин е опериран на 22 декември.

Американскиот министер за одбрана Лојд Остин е хоспитализиран поради постоперативни компликации од рак на простата