Министерот за правда во заминување, Кренар Лога во врска со изјавата на претседателката на државата Гордана Сиљановска-Давкова при инаугурацијата, објави на Фејсбук видео од првата заклетва на поранешниот американскиот претседател Барак Обама која не одела според планот и порача:

„Кога може САД и Обама, може и Северна Македонија и Сиљановска“.

На видеото е првата неточна заклетва на Обама и следниот ден повторена по вторпат заклетва според прописите.

По инаугурацијата на Сиљановска-Давкова откако претседателката при читањето на заклетвата изговори само Македонија, Лога оцени дека таа не го испочитувала уставното име на државата и оти со тоа нејзината заклетва е ништовна.

-Непочитувањето на уставното име на државата ја прави ништовна заклетвата на Силјановска. Или повторување на постапката или  функцијата претседател на државата треба да ја преземе Јован Митревски (претседател на собрание), како в.дф, наведува Лога во реакцијата објавена на Фејсбук и споделена во соопштение до медиумите.