Ливерпул предводен од Јирген Клоп претходно загуби со 3:2 од Борусија Дортмунд и 2:1 од Севиља во нивните претходни контролки во американската турнеја.

Симон Мињоле беше виновен за водството на Спортинг, но потоа имаше неколку многу добри интервенции. Во четвртата минута португалскиот клуб поведе преку Фернандеш.

Клоп во составот ги имаше Алекс Окслејд-Чемберлен, Дивок Ориги и Жоржињо Вајналдум. Последните двајца постигнаа голови за пресврт на тимот од Мерсисајд.

Спортинг во чии редови не настапи македонскиот репрезентативец Стефан Ристовски поради повреда, израмни благодарение на погодокот на Вендел во 53 минута од средбата.

Да додадеме уште дека во рамките од Интернационалниот куп на шампионите, Бенфика беше подобра од Фиорентина (2:1).