Фудбалскиот клуб Ливерпул нема да може да влезе во трката за најбараниот англиски фудбалер Џуд Белингем. Оваа вест денеска ја објави доверливиот новинар на „Атлетик“, Дејвид Орнстајн, кој тврди дека Ливерпул се помирил со фактот дека ја нема финансиската моќ како некои клубови и дека полека се повлекува од оваа трка.

Оваа информација набрзо ја пренесоа мадридските медиуми кои пренесуваат дека сите патишта водат кон Реал. Не е тајна дека Белингем е „опседнат“ со идејата да игра за Реал Мадрид, иако сакаше да ги послуша советите на неговото семејство за да може и тој да замине во Ливерпул и да има време подоцна да стигне до „кралскиот“ клуб.

Но, мали се шансите да се случи такво сценарио. Орнстајн го издвојува Реал Мадрид како еден од главните во оваа трка, но не го исклучува ниту Манчестер сити. Тој тврди дека само Реал и Сити имаат финансиска моќ да го задоволат вкусот на Борусија Дортмунд кои нема да го пуштат под 130-140 милиони евра, но и да му дадат соодветен проект на Белингам и плата во согласност со неговата пазарна вредност.

? Jude Bellingham is UNLIKELY to join Liverpool this summer.

Man City and Real Madrid are currently leading the race.

(Source: @David_Ornstein)

— Transfer News Live (@DeadlineDayLive) March 20, 2023

Во Мадрид го гледаат Англичанецот како идеална замена за Лука Модриќ и Тони Крос, кои влегуваат во самиот финиш на кариерата. Интересно е што договорите и на Крос и на Модриќ истекуваат на 30 јуни, а мадридски извори веќе пишуваа за тоа дека иднината на еден од нив може да зависи од Белингем.

Што се однесува до Сити, Илкај Гундоган исто така е во последната година од договорот, за него има интерес од Барселона и не се знае дали ќе потпише нов договор со „граѓаните“. Доколку Германецот реши да си замине, можно е Белингем да биде прва желба на Пеп Гвардиола.