Играчот од средниот ред на Реал Мадрид, Федерико Валверде е блиску до преселба во Ливерпул, пишува „Ел Насионал“.

Весникот пишува дека „Црвените“ и претходно биле заинтересирани за Уругваецот и испратија понуда од 60 милиони евра, која „кралскиот“ клуб категорично ја одби барајќи 100 милиони.

Англичаните тогаш не беа подготвени да платат толку, но работите се сменија, па сега подготвија нова понуда – би платиле веднаш 80 милиони евра плус 20 милиони преку разни бонуси.

Тоа е понуда за која Реал веќе размислува посериозно и ја зема предвид.

Валверде минатата сезона одигра 56 натпревари за Реал Мадрид и постигна 12 гола и имаше седум асистенции.