Поранешниот селектор на англиската фудбалска репрезентација Свен Горан Ериксон (76) ќе биде дел од стручниот штаб на тимот на легендите на Ливерпул на натпреварот против легендите на Ајакс кој ќе се одигра на 23 март во Ливерпул, објави денеска „Скај Спорт“.

Ериксон минатиот месец откри дека му бил дијагностициран рак во терминална фаза и дека има уште една година живот, а по објавата рече дека е огромен навивач на Ливерпул и дека „отсекогаш сакал да биде менаџер“ на тимот.

Веднаш се покрена кампања со цел Ериксон да води тим од легенди на Ливерпул на хуманитарен натпревар.

? Sven-Goran Eriksson recently said he always wished to be Liverpool manager one day.

…and #LFC now confirm that Eriksson will be part of the Legends management team for the game against Ajax Legends at Anfield, on 23 March. ❤️ pic.twitter.com/t8sHHLozOO

— Fabrizio Romano (@FabrizioRomano) February 13, 2024

Натпреварот помеѓу легендите на Ливерпул и Ајакс е од хуманитарен карактер и ја поддржува работата на Фондацијата ЛФЦ.

Ериксон е првиот странски селектор на Англија и го водеше тимот до четвртфиналето на светските првенства во 2002 и 2006 година, како и до четвртфиналето на Европското првенство во 2004 година.

Во својата 42-годишна тренерска кариера, Ериксон ги водеше и Манчестер сити, Лестер, Лацио, Бенфика и Рома.