Англискиот шампион Ливерпул внимателно ја следи ситуацијата околу Родриго од Реал Мадрид, а Бразилецот е меѓу имињата за кои се дискутира во случај на евентуална разделба од Луис Дијаз, објави Флоријан Платенберг од „Скај Спортс Германија“.

„Црвените“ веќе информираа за условите околу евентуалниот трансфер на левото крило, како и за моменталниот статус на играчот во составот на „Кралевите“, европскиот клупски шампион.

Реал Мадрид е отворен за можноста да се раздели со Родриго, особено ако се добие вистинската понуда. Самиот играч е запознаен со ситуацијата и е свесен дека клубот го истражува пазарот, вклучително и можна продажба доколку условите се поволни.

Сепак, потенцијалниот трансфер пакет би бил сериозен од финансиска гледна точка. Според информациите, Родриго добива годишна нето плата од околу 10 милиони евра, што го прави неговото евентуално купување исклучително скапо. Реал Мадрид го проценува Бразилецот помеѓу 80 и 100 милиони евра.

Досега, Ливерпул потроши речиси 300 милиони за Џереми Фримпонг, Флоријан Вирц, Милош Керкес=з и Уго Екитике, за кого се очекува официјално да потпише во наредните денови. Сепак, се верува дека во клубот од Енфилд не завршиле со своите купувања ова лето и доколку Дијаз биде продаден на Баерн Минхен, тие ќе бараат ново лево крило.

🚨🔴 Liverpool are closely monitoring the situation of #Rodrygo as he is one of the candidates for #LFC in case Luis Díaz leaves. Liverpool informed about conditions and current status.

Real Madrid would be open to selling him. Rodrygo is aware of this, and the market is being… pic.twitter.com/oi1T17qVM7

— Florian Plettenberg (@Plettigoal) July 22, 2025