Тренерот на Ливерпул, Арне Слот, ја потврди одлуката на клубот да го исплати целиот преостанат договор на Диого Жота на неговото семејство, по трагичната смрт на португалскиот фудбалер.

Жота загина во сообраќајна несреќа само неколку дена по венчавањето со својата долгогодишна партнерка, со која има три деца. Во знак на почит и поддршка, Ливерпул одлучи целосно да го исплати двегодишниот договор, иако играчот веќе не е меѓу живите.

„Сопствениците често добиваат критики, исто како и ние тренерите, но начинот на кои тие се справија со ситуацијата, со тоа што на сопругата и децата и ги исплатија сите пари од договорот, тоа е за почит. Можеби луѓето мислат дека ова е нормално, но не е нормално во фудбалот“, вели предводникот на Ливерпул.

Преземено од: Спорт.ком.мк