Лионел Меси (35) го оствари својот сон по освојувањето на Светското првенство во Катар на 18 декември како капитен на репрезентацијата на Аргентина.

Меси беше прогласен за најдобар играч на Мундијалот, покажа одлични перформанси и еден од најзаслужните за светската титула на Аргентинците годинава.

Интересно, сè можеше да биде поинаку бидејќи фудбалерот на ПСЖ имаше понуда да игра за шпанската репрезентација.

Меси во оваа земја дојде на 13 години и има државјанство, а еве што откри Висенте дел Боске, поранешниот селектор на „црвената фурија“.

– Имаше обид Шпанија да го добие Меси, но тој реши да игра за репрезентацијата на земјата во која е роден, остана доследен – изјави човекот кој со Шпанија го освои Светското првенство во 2010 година и Европското првенство две години подоцна.