Најдобрата македонска тенисерка Лина Ѓорческа денеска не успеа да се пласира меѓу најдобрите осум на турнирот во Аламинос-Ларнака, Кипар.

Ѓорческа како осма носителка на турнирот го предаде мечот против Дебора Киеза иако добро го започна дуелот освојувајќи го првиот сет убедливо со 6:2.

Но, потоа дојде до пад на концентрацијата во играта на Ѓорческа, тоа го искористи нејзината противничка од Италија која израмни на 1:1 во сетови и не загуби ниту еден гем во вториот сет (6:0).

Во ист ритам продолжи Киеза и во третиот сет, поведе со 3:0 во гемови, а потоа Македонката одлучи да го предаде мечот.

Наскоро Ѓорческа со женската репрезентација на Македонија ја очекува настап во Били Џин Кинг купот во рамките од Втората Евро-африканска зона, а мечевите во Литванија ќе се играат од 8 до 13 април.