Британската пејачка Лили Ален откри како реагирал нејзиниот татко Кит Ален кога ја изгубила невиноста.

Ален неодамна се појави во поткастот на комичарот Алан Кар, „Life’s a Beach“, каде што се отвори за времето кога ја изгубила невиноста додека била на одмор со нејзиниот татко, актерот Кит Ален и славниот брат Алфи Ален.

„Ја изгубив невиноста со момчето Фернандо во Бразил, кога имав околу 12 години“, откри таа, пред да појасни: „Не, се шегувам“.

Иако Ален не открила колку години, всушност, имала кога ја изгубила невиноста, таа му рекла на Кар дека „никогаш повеќе не разговарала со Фернандо“ по нивниот состанок. Пејачката признала дека искуството било „малку трауматично“ затоа што татко ѝ ја повикал полицијата истата вечер.

„Всушност, исчезнав. Отидов во неговата хотелска соба (бев на одмор со татко ми и брат ми) и, очигледно, не се вратив во мојата соба“, рече Ален.

Кога се разбудила следното утро, низ целиот хотел имало полициски службеници.

„Полицајците буквално ја ‘чешлаа’ плажата. Луѓето мислеа дека сум се удавила, а јас немав срце да им кажам: ‘Не, само ја изгубив невиноста’. Беше малку трауматично, немав секс долго време после тоа“, раскажа пејачката.

Во моментов, Ален е во брак со актерот Дејвид Харбор, познат по улогата во серијата „Stranger Things“. Тие се венчаа во септември 2020 година на интимна свадбена церемонија во Лас Вегас.

Ален претходно беше во брак со уметникот Сем Купер, со кој ги има ќерките Етел и Марни.

ФОТО | Лили Ален прослави со торта: Поминаа две години откако сум трезна и не конзумирам дрога