Британската пејачка Лили Ален јавно ѝ се извини на својата колешка Кети Пери, откако претходно ја критикуваше и исмејуваше за нејзиниот во лет до работ на вселената.

Иако неодамна беше меѓу оние кои коментираа негативно за оваа одлука, Ален сега признава дека нејзините зборови биле претерани и непотребни.

Зборувајќи во новата епизода од нејзиниот поткаст, Ален отворено призна дека го преиспитала сопствениот став и дошла до заклучок дека е погрешно да ја осудува Пери за нешто во кое таа не била единствениот учесник.

„Долго време размислував за тоа и сфатив дека нема потреба така да навредувам. Точно, сè уште не го поддржувам она што го направија, но Кети не беше единствената. Таа веројатно беше најпознатата од нив, па затоа луѓето најмногу се фокусираа на неа“, рече Ален.

Таа додаде дека би ја повредило ако се најде во слична ситуација, а другите го користат нејзиното име на негативен начин. Па таа директно ѝ се обрати на Пери и ѝ понуди искрено извинување:

„Жал ми е, Кети Пери. Знам дека веројатно не го слушаш овој поткаст, но навистина ми е жал.“

Ве потсетуваме дека на 14 април, Кети Пери беше дел од мисија во која шест жени летаа до работ на вселената во капсулата „Њу Шепард“. Заедно со Пери беа и Лорен Санчез, свршеницата на Џеф Безос, новинарката Гејл Кинг, продуцентката Кариен Флин, поранешната инженерка на НАСА, Ајша Боу и активистката Аманда Нгуен.

По слетувањето, Безос топло им посака добредојде на сите учесници, ги прегрна и им се заблагодари за нивната храброст. Кети Пери, како и другите патници, го доживеа ова патување многу емотивно – откако ја напушти капсулата, ја бакна земјата.