Фудбалерите на Манчестер сити и Реал Мадрид денеска на „Етихад“ од 21.00 часот ќе го одиграат реваншот од полуфиналето на Лигата на шампионите. Првиот натпревар на „Сантјаго Бернабеу“ заврши со резултат 1:1.

Со оглед на тоа што веќе не важи правилото „гол на гости“, ниту една екипа нема предност пред реваншот. Победникот од овој двомеч во финалето на 10 јуни во Истанбул ќе игра против Интер кој во италијанската пресметка го елиминираше Милан.

За Реал ловот на победа кај Сити е особено тешка задача, бидејќи на претходните четири гостувања во Лигата на шампионите на „Етихад“ никогаш не успеал да победи. Сити сезонава е посилен за феноменалниот стрелец Ерлинг Халанд кој постигна 52 гола на 48 натпревари. Но, на првиот натпревар во Мадрид беше целосно „исклучен“ од Антонио Ридигер, па за возврат се очекува да се врати одличниот норвешки напаѓач.

? LET´S DO THIS! ?
? #UCL pic.twitter.com/T4QJ7LMFOH

— Real Madrid C.F. ???? (@realmadriden) May 16, 2023

Двете екипи одиграа многу претпазливо во првите 90 минути, на реваншот еден гол може да ја промени ситуацијата на теренот. Реал Мадрид има еден голем хендикеп, а тоа е непознатиот статус на Едуардо Камавинга. Тој се повреди на натпреварот од претходниот викенд против Хетафе, а не е познато дали ќе игра против „Граѓаните“.

Од друга страна, не се знае дали менаџерот на Манчестер сити, Пеп Гвардиола во составот ќе го има Нејтан Аке кој е под знак прашалник.

It's time to hear from @PepTeam and @kylewalker2 ahead of our #UCL semi-final clash against Real Madrid ?

Watch live ?

— Manchester City (@ManCity) May 16, 2023

Реал Мадрид ја брани титулата, а Манчестер сити е подготвен за одмазда. Историјата што ја имаат овие два тима, заедно со квалитетот на теренот, и значењето на овој натпревар треба да биде добитна комбинација за уште еден спектакл.