Селекторот на фудбалската репрезентација на Франција, Дидие Дешан го коментираше поразот на своите играчи од Хрватска со 0:2 во првиот натпревар од четвртфиналето на Лигата на нации.

Французите беа поразени во Сплит по головите на Анте Будимир и Иван Перишиќ во текот на првото полувреме:

– Добро го започнавме натпреварот, но направивме неколку грешки кои му дозволија на противникот да создаде опасност. Второто полувреме го одигравме подобро го дадовме максимумот, но немавме прецизност во последниот допир.

Го загубивме првиот натпревар, но не се предаваме. Признавам дека пред паузата игравме под нашите можности. Вложивме максимални напори да ја свртиме ситуацијата, но бевме казнети за нашите грешки. Тие беа повеќе од нормалното – рече Дешан.

Реваншот меѓу Франција и Хрватска ќе се одигра на 23 март на „Стад де Франс“ во Париз.