Вечерва на Националната арена „Тодор Проески“ – Скопје екипата на Шкендија триумфираше со 2:0 против Арарат Ереван од Ерменија во првиот натпревар од првото квалификациско коло на Лигата на конференции.

Играчите предводени од тренерот Артим Шаќири со предност ќе патуваат на реваншот кој е закажан за 14 јули во Ереван.

Победникот од овој двомеч во второто квалификациско коло во Лигата на конференции на 21 и 28 јули ќе ги одмери силите против летонската Валмиера.

На вечерашниот дуел двата голови на тетовските „црвено-црни“ беа реализирани во текот на првото полувреме, првиот беше дело на Шала во 21 минута, а вториот на Нафиу во 45 минута. И во двата погодоци асистент беше Дориев.

Лига на конференции
1. квалификациско коло, први натпревари

Шкендија – Арарат Ереван 2:0
Алашкерт – Хамрун 1:0
Санта Колома – Бреидаблик 0:1
Борац Бања Лука – Б36 Торшавн 2:0
Паневезис – Милсами 0:0

Флора – СЈК 1:0
КуПС – Дила Гори 2:0
Магпис – Крусејдерс 2:1
Погон Шчекин – Рејкјавик 4:1
Сабуртало Тбилиси – Партизани 0:1

Ружомберок – Кауно Жалгирис 2:0
Динамо Тбилиси – Паиде 2:3
Флориана – Петрокуб 0:0
О. Љубљана – Диферданж 1:1
Сф. Георге – Мура 1:2

Бала – Слиго Роверс 1:2
Динамо Минск – Дечиќ 1:1
Фола – Тре Фиори 0:1
Гиљани – Лиепаја 1:0
Торшавн – Њутаун 1:0
Лачи – Искра 0:0