Само еден ден откако се раздели со македонскиот репрезентативец Езџан Алиоски кој четири години беше дел од Лидс, англискиот тим денеска го претстави неговиот наследник.
Тоа е Жуниор Фирпо кој пристигна на „Иланд Роуд“ за сума од 13 милиони фунти од Барселона. Фирпо со тимот на Лидс потпиша четиригодишен договор.

Фирпо е роден во Доминиканската Република, а до потписот со Лидс, тој целата кариера ја помина во Шпанија. Од 2015 до 2018 година беше дел од Б тимот на Бетис, за потоа една сезона да игра и за првиот тим. Во 2019 година се сели во Барселона каде требаше да биде наследник на Жорди Алба, но не успеа да се наметне како кај поранешните така и кај актуелниот тренер Роналд Куман.
Барселона соочена со големи финансиски проблеми, мораше одлучи да го продаде Фирпо на Лидс кој како обесштетување плати 13 милиони фунти.