Лидерот на Хамас во Појасот Газа наводно им порачал на посредниците дека го одбива новиот предлог на американскиот претседател Доналд Трамп за ставање крај на тековната војна меѓу палестинската милитантна група и Израел, јавува Би-би-си.

Неименуваниот извештај наведува дека Из ал-Дин Хадад, поранешен командант на Бригадата во градот Газа, сметал дека планот е смислен за да стави крај на Хамас, без разлика дали организацијата ќе го прифати или не.

Затоа, милитантната група наводно била спремна да продолжи да се бори против Израел.

Инаку, египетскиот шеф на дипломатијата, Бадр Абделати, соопшти дека Каиро, во тесна координација со Катар и со Турциј,а работи на тоа да го убеди Хамас да го прифати мировниот план на Трамп за ставање крај на речиси двегодишниот конфликт во Газа, додавајќи дека се потребни уште разговори за расчистување на преостанатите дилеми.

Претходно Трамп изјави дека палестинската милитантна група Хамас има рок од три до четири дена да одговори на неговиот мировен предлог за Појасот Газа, предупредувајќи дека во спротивно групата ќе се соочи со последици.

Хамас соопшти дека веројатно нема да го прифати планот на Трамп за Газа