Левица преку соопштение до медиумите ги демантира тврдењата што кружат во јавноста дека наводно преговара за предизборни коалиции во пресрет на претстојните локални избори.

Од партијата велат дека не водат никакви разговори ниту со СДСМ, ниту со ВМРО-ДПМНЕ, а како што посочуваат, најмалку со ДУИ или било која друга партија за коалицирање.

„Нашиот став по однос на предизборните коалиции е јасен и непроменет – забрана на предизборните коалиции! Левица ќе настапи самостојно, без политички пазари и без партиски договори зад затворени врати.

Спроведениот јавен повик за кандидирање за градоначалници преку Левица е доказ за нашата отвореност кон граѓаните и потенцијалот на Републиката – поддржуваме луѓе со интегритет, без оглед дали се партиски членови или не, сè додека ја делат визијата за промена и конечно функционална локална самоуправа во служба на граѓаните“ велат од партијата.