Со звуците на антифашистичката „Бела чао“ пред партиското седиште Левица во победничка атмосфера ги слави постигнатите резултати на парламентарните избори.

Потпретседателот на партијата Реџеп Исмаил рече дека првичните резултати покажуваат дека пасокизацијата на СДСМ е нагло почната.

– Ние сме втора партија во македонскиот блок. Во многу избирачки места сме пред СДСМ и очекуваме двоцифрен број пратеници, рече Исмаил.

На новинарско прашање со кого би правеле коалиција тој одговори дека нема да коалицираат туку-така, дека имаат македонска платформа и дека повторно ќе ја понудат.

Исмаил уште кажа дека според партијата, имало изборни нерегуларности, асфалтирање улици во време на предизборен молк, делење летоци и притисоци.