Полскиот репрезентативец Роберт Левандовски ги известил челниците на Баерн дека на крајот од сезоната планира да си замине од „Алијанц“ Арената и да потпише за Барселона.

Според полските медиуми, Левандовски веќе ги договотил сите детали од договорот со Барселона и тоа преку онлајн конференција со челниците на каталонскиот тим. Наводно, одличниот напаѓач се согласил да потпише тригодишен договор за плата од 8 милиони евра плус бонуси.

За да се комплетира трансферот потребно е зелено светло да даде германскиот тим бидејќи Левандовски има договор до 2023 година. Очекувањата се дека трансферот ќе изнесува околу 60 милиони евра.

Роберт Левандовски од 2014 година е член на Баерн Минхен и на 369 натпревари за баварците и постигна 340 гола.