Ако некогаш сте имале шанса да ја посетите Италија, тогаш веројатно сте седнале во некој од баровите и сте забележале дека останатите гости претежно пијат ист алкохолен пијалак со портокалова боја. Станува збор за коктелот Аперол шприц, кој е прилично лесен за подготовка и во домашни услови, пишува „Пун куфер“.

Па, доколку сакате да се разладите со вашите пријатели во домашна атмосфера – тогаш ние ви го претставуваме рецептот за овој популарен италијански коктел. Процесот е многу едноставен и ќе ви требаат само неколку состојки: аперол (горко-сладок ликер), разладено просеко, газирана вода, парче портокал и коцки мраз.

Потребни состојки:

• 90 мл вино просеко
• 60 мл ликер аперол
• 30 мл минерална вода
• коцки мраз
• парче портокал по желба

Подготовка:

Во чаша ставете коцки мраз, а потоа прелијте ги со просеко, аперол и минерална вода. Измешајте ги сите состојки.

По желба, додадете парче портокал во чашата.

На здравје!