Шеснаесетгодишно момче денеска по 14 часот е избодено пред очите на својот татко во центарот на српскиот град Лесковац, објавија српските медиуми.

На момчето попладнето му била извршена операција и тоа, според лекарите, е надвор од животна опасност.

„Беше примено со два видливи убода во пределот на градниот кош и стомакот“, вели во изјава д-р Небојша Димитријевиќ, директор на Општата болница во Лесковац, додавајќи дека таткото на момчето бил полесно повреден во тепачката што му претходела на нападот со нож.

Полицијата соопшти дека напаѓачот е уапсен и дека исто така е помлад човек. За се е известено надлежното обвинителство, додаваат оттаму.

Мотивот за нападот и тепачката се истражува. Според неофицијални информации, инцидентот се случил во пекарница, каде било скршено стаклото од витрината, пишува „Телеграф“.