Денеска и официјално е потврден трансферот на 36-годишниот италијански дефанзивец во редовите на Унион Берлин.

Леонардо Бонучи кој до сега ги бранеше боите на Јувентус, со германскиот клуб потпиша договор кој ќе трае до 30 јуни 2024 година.

Тренерот на „Старата дама“, Масимилијано Алегри уште во јануари јасно му стави до знаење на Бонучи дека повеќе не смета на него, а јасно е дека во првата прилика ќе мора да го напушти Торино.

Првите фудбалски чекори Бонучи ги направи во Интер, а потоа во кариерата играше и за Тревизо, Пиза, Џенова, Бари, Јувентус и Милан. За италијанската репрезентација дебитираше во 2010 година, оттогаш забележа 121 настап и постигна осум голови.

Во четвртокот Унион Берлин ги доби противниците во групната фаза од Лигата на шампионите, тие се Реал Мадрид, Наполи на македонскиот репрезентативец Елиф Елмас, и Брага.

Remember this, Unioner.
There are few people on earth who understand the art of defending better than this man.
It is a great honour and a privilege to have him here.
Eisern!!! pic.twitter.com/NBGBPtblge

— 1. FC Union Berlin (English) (@fcunion_en) September 1, 2023