Лекарите од болницата во Пазарџик, Бугарија го спасија животот на 13-годишно девојче кое се затруло со непознато количество на таблети парацетамол. Веројатно причината за интоксицираноста е предизвик од социјалната мрежа Тикток.

Девојчето е примено во лоша општа состојба, при што е направено измивање на стомакот и други иследувања. Во консултација со педијатар продолжено е лекувањето на педијатриското одделение по што се наоѓа во добра здравствена состојба. Исто така и психолог ја консултирал малолетничката за да се утврдат причините за инцидентот и да ѝ се даде неопходна поддршка. За случајот се известени и Дирекцијата за социјална работа од Пазарџик и Агенцијата за заштита на деца.

Пиењето парацетамол е нов предизвик на социјалната мрежа Тикток, кој станува популарен во различни држави во светот и е врзано со прекумерно земање на парацетамол. Специјалистите предупредуваат дека неконтролираното внесување на овој лек може да доведе до тешки оштетувања на црниот дроб, бубрезите и централниот нервен систем, а при високи дози и до фатален исход.

Педијатрите ги предупредуваат родителите да бидат внимателни и да разговараат со децата за ризиците од неконтролирано земање на лекови кои пак во домашни услови треба да се чуваат на места недостапни за децата и да се користат само по препорака на лекар.