Чешкиот тенисер Јиржи Лехечка денеска се пласираше во четвртфиналето на Отвореното првенство на САД, откако го победи Французинот Адриан Манарино со 3:1 во сетови 7:6(4), 6:4, 2:6, 6:2.

Лехечка, рангиран на 21 место во светот, го победи 77 играч на АТП листата по три часа и 16 минути.

Противник на Лехечка во четвртфиналната фаза на САД опен ќе биде Карлос Алкараз од Шпанија.

Алкараз успеа да го елиминира Артур Риндрекнеш од Франција со 7:6 (3), 6:3 и 6:4 за два часа и 14 минути игра.

Во женска конкуренција првата тенисерка која обезбеди пласман во четвртфиналето е четвртата носителка на турнирот, Џесика Пегула.

Пегула во американскиот дуел за скоро еден час игра ја совлада Ен Ли со резултат 6:1 и 6:2.

За пласман во полуфиналето Пегула ќе игра против победничката од мечот меѓу Барбора Крејчикова (Чешка) и Тејлор Таунсенд (САД).