Легендарниот југословенски и српски фудбалер, Саво Милошевиќ кој е роден во Босна и Херцеговина според најавите на српските медиуми може да биде нов селектор на оваа репрезентација.

Според последните информации, се е договорено и само прашање на време е кога Милошевиќ ќе биде промовиран за нов селектор и наследник на Мехо Кодро кој пред еден по вторпат се раздели со репрезентацијата на Босна.

Инаку, Милошевиќ веќе две години е без работа, а негов последен клуб беше Олимпија Љубљана. Претходно во кариерата го водеше Партизан, а беше и директор на младинските селекции на Србија откако ја заврши кариерата.

Кодро клупата на БиХ ја напушти по само два натпревари исто како и во 2008 година кога си замина затоа што бил договорен пријателски натпревар против Иран без негово знаење.