Легендарниот ракометар Никола Карабатиќ најави крај на кариерата по завршувањето на актуелната сезона, но и покрај тоа и оваа сезона сака да ја заврши триумфално како и претходните 22.

Ракометарот роден во Ниш кој испишува историја во францускиот ракомет во кариерата четири пати беше светски шампион со „Триколорите“ и трипати се искачуваше на европскиот тон. На Олимписките игри освои три медали, две златни.

Од 2015 година Карабатиќ ги брани боите на ПСЖ со кој дојде до двоцифрен број клупски трофеи.

„Денес ја почнувам последната сезона со радост. Радосен сум што последен пат ќе можам да уживам во единствената атмосфера на француските и европските арени, да се борам заедно со соиграчите и да освојам уште трофеи пред да ја затворам книгата за својата играчка кариера“, објави 37-годишниот ракометар.

Карабатиќ кариерата ја започна во 2000. Годиан, а ги бранеше боите уште на Кил и Барселона. Дресот на репрезентацијата на Франција го носеше на 355 натпревари во кои постигна 1255 голови.