Легендарниот Фатих Терим би можел брзо да се врати на тренерската сцена, само неколку месеци откако ја напушти клупата на Ал Шабаб.

Искусниот турски стратег, кој ја одведе репрезентацијата на Турција до полуфинале на Европското првенство во 2008 година, се споменува како можен нов селектор на Чешка.

Имено, Терим е во одличен однос со Павел Недвед кој е директор во Фудбалскиот сојуз на Чешка и нивната пријателска врска би можела да биде клучна во неговиот ангажман.

Во моментов Чесите ги предводи Иван Хашек, но сè погласни се шпекулациите дека неговиот мандат би можел да заврши наскоро.

Чешка бележи солидни резултати во квалификациската група со Хрватска, Фарски Острови, Црна Гора и Гибралтар, но поразот од Хрватска со убедливи 5:1 значително им ги намали шансите за директен пласман на Светското првенство и веројатно ги чека борба за плеј-офот.

🚨 Çekya Sportif Direktörü Pavel Nedved, şu an milli takımında karar verici pozisyonunda.

Fatih Terim ile Al Shabab’ta çalışan Nedved, o dönemde Terim’den çok etkilenmişti. pic.twitter.com/3K43NwW4ZW

— Burhan Can Terzi (@burhancanterzii) September 11, 2025