Македонската фудбалска репрезентација утрово го одработи последниот тренинг пред летот за Рига каде што на 10 октомври ќе игра натпревар против Летонија.

На денешниот тренинг фудбалерите беа посетени и од легендарниот Андон Дончевски.

Првиот селектор во историјата на македонската „А“ репрезентација им посака среќа на избраниците пред двата дуели со Летонија и Ерменија во Лигата на нации.

Македонија во овие два натпревари влегува како лидер во групата, а нашата цел е и таму да останеме по завршувањето на двете средби. Натпреварот против Ерменија го играме на 13 октомври исто така на гостински терен.