Рок-иконата Пети Смит е хоспитализирана поради „ненадејна болест“ во италијанскиот град Болоња, каде што е на турнеја.

Пејачката (76) требало да настапи во театарот „Дусе“, но, според странските медиуми, била задржана на лекарски преглед и настапот бил откажан.

Театарот објави соопштение во кое се вели: „Со големо жалење ја информираме љубезната публика дека концертот на Пети Смит нема да се одржи поради ненадејна болест на уметницата. На сите ни е жал за непријатностите. На уметницата ѝ посакуваме сè најдобро и брзо закрепнување“.

Последниот настап на Пети Смит беше во катедралата во Модена во саботата вечерта, како дел од нејзината осумдневна турнеја во Италија.