Леброн Џејмс е еден од најголемите кошаркари на сите времиња, но ја изненади јавноста кога на еден час пред почетокот на „Ол-стар“ турнирот кој на крајот го освои тимот на Шекил Онил објави дека нема да учествува.

„Кралот“ пристигна во Сан Франциско и беше дел од претставувањето на кошаркарите, меѓутоа на еден час пред почетокот на натпреварот објави дека поради повреда нема да настапи.

„Сè уште чувстувам болка во стапалото и глуждот. За жал нема да можам да играм вечерва. Се надевав дека ќе се чувствувам подобро кога ќе се разбудам, но не беше така како што се надевав. Со преостанати 30 натпревари за Лејкерс во регуларниот дел од сезоната и нашата желба да одиме колку што е можно подалеку, сметам дека морам да водам грижа за себе“, објасни Леброн.

Инаку, Леброн со ова откажување ја прекина низата од 20 години во кои секогаш беше дел од „Ол-стар“ натпреварите.

LeBron James says he will not play in tonight’s All-Star Game. pic.twitter.com/0rOfjcPxpz

— Mike Curtis (@MikeACurtis2) February 16, 2025