Меѓународниот аеродром во Сараево ги информира патниците и корисниците на услуги дека на социјалните мрежи, особено на Фејсбук, е објавен лажен оглас во кој наводно се нуди продажба на неподигнат багаж за симболична цена од две евра преку сомнителната веб-страница sarajevo-airport.proven-offer.com/ba.

Лажниот оглас сугерира дека станува збор за „годишна хуманитарна продажба“ на изгубени куфери кои наводно се продаваат со можност за враќање на парите. Всушност, аеродромот не организира продажба на багаж преку интернет, ниту преку трети страни.

„Сакаме да напоменеме дека ова е лажна страница која се претставува како официјална страница на аеродромот во Сараево. Случајот е пријавен кај надлежните органи и ги повикуваме корисниците да бидат особено внимателни додека не се отстрани“, се вели во соопштението на аеродромот.