Данската ракометна легенда, Микел Хансен соопшти дека ја завршува богатата ракометна кариера и со оглед на тоа дека се уште игра на високо ниво, неговата одлука за јавноста е изненадување.

Изненаден од ваквиот потег на Хансен е и селекторот на македонската ракометна репрезентација Кири Лазаров кој со него во минатото имаше многу дуели на теренот.

„Одлуката на Хансен за мене е изненадување, не очекував да замине толку рано. Има фантастична кариера и се уште игра на високо ниво. Микел е неверојатен ракометар, сигурно еден од најдобрите во историјата. Кога го гледаше Хансен на теренот изгледаше дека ракометот е едноставен, но не е така. Неговиот стил на игра, тие голови и додавања се нешто што многу ќе недостасува на ракометот во иднина. Микел беше уникатен“, изјави Лазаров за данската „ТВ2“.