Русија е целосно спремна за конфликт со НАТО на Арктикот, предупреди министерот за надворешни работи Сергеј Лавров.

-Гледаме дека НАТО ги засилува вежбите поврзани со можна криза на Арктикот – кажа Лавров. -Нашата земја е целосно спремна да ги брани своите интереси воено и политички.

Арктикот е најсеверната точка на Земјата и вклучува територија на осум земји: Норвешка, Шведска, Финска, Данска, Канада, Соединетите Американски Држави, Исланд и Русија. Сите земји освен Русија се членки на  НАТО.

 

 

Финска во април минатата година влезе во западниот воен пакт како реакција на конфликтот во Украина, а Шведска го направи истото во март оваа година.

Лавров истакна дека „Арктикот не е територија на Северноатлантската алијанса“ и додаде дека други земји, како Кина и Индија, имаат интереси во тој регион. Еден од највисоките руски дипломати минатата година изјави дека Финска „прва би настрадала во случај на конфликт на НАТО и Русија.