Лавров: Нападот на Израел врз Катар ќе ја зголеми дестабилизацијата на Блискиот Исток
Рускиот министер за надворешни работи Сергеј Лавров денес изјави дека нападот на Израел врз Катар води кон понатамошна дестабилизација на ситуацијата на Блискиот Исток, пренесува Танјуг.
Препорачано
-
1
-
2
-
3
„Веста за оваа акција ја примивме со длабока загриженост. Сметаме дека е грубо кршење на меѓународното право, првенствено на Повелбата на ОН, како посегнување по суверенитетот и територијалниот интегритет на независна држава, чекор што води кон понатамошна дестабилизација на ситуацијата на Блискиот Исток“, рече Лавров на состанокот на Стратешкиот дијалог на Советот за соработка Русија-Заливот, пренесува Интерфакс.
Оценувајќи дека „ваквите акции секако заслужуваат најсилна осуда“, Лавров додаде дека на денешниот состанок ќе бидат развиени заеднички чекори за да се минимизираат негативните последици од оваа акција за регионот.
„Русија ќе биде подготвена да му помогне на Советот за соработка на секој можен начин во развивањето колективна линија во форматот на Советот, во форматот на Лигата на арапските држави и, како што јас го разбирам, во форматот на Организацијата за исламска соработка“, рече Лавров.
