Рускиот министер за надворешни работи Сергеј Лавров и одговори на својата германска колешка Аналена Баербок дека договорите од Минск се единствениот начин долгорочно да се регулира внатрешната криза во Украина, соопшти руското Министерство за надворешни работи.

Лавров, кој телефонски разговараше со Баербок, рече дека Германија треба да изврши притисок врз украинското раководство и да го охрабри да заземе поконструктивен став, додаде Министерството, пренесе Ројтерс.

Што се однесува до ситуацијата во југоисточна Украина, Лавров посочи дека Киев е одговорен за ескалација на тензиите долж линијата за контакт во Донбас и честите провокации кои доведоа до хуманитарна евакуација на цивилите од самопрогласените републики Луганск и Доњецк.