Лаутаро Мартинез го продолжи договорот со Интер
Аргентинскиот напаѓач Лаутаро Мартинез (26) го продолжи договорот со Интер до 2029 година, соопшти италијанскиот фудбалски шампион.
Препорачано
-
1
-
2
-
3
– Интер потврдува дека постигнал договор за продолжување на договорот со Лаутаро Мартинез. Мартинез потпиша договор кој истекува на 30 јуни 2029 година – се вели во соопштението на Интер.
Мартинез пристигна на Сан Сиро во 2018 година од аргентинскиот Расинг за 23 милиони евра надомест. Капитенот и најдобар стрелец на „нераѕурите“ имаше нешто помалку од две години до крајот на актуелниот договор кој треба да истече во 2026 година. Но, по неколкумесечни преговори, тој ја продолжи верноста.
Италијанските медиуми пренесуваат дека според новиот договор тој треба да заработува девет милиони евра по сезона, плус бонуси.
Во 282 настапи за Интер, Мартинез постигна 103 гола во сите натпреварувања, освојувајќи две титули во италијанскиот шампионат (2021, 2024) и два трофеи на Купот на Италија (2022, 2023).
?⚫️? Official, confirmed. Lautaro Martínez signs new deal at Inter valid until June 2029.
Salary now up to €9m net plus add-ons as Lautaro only wanted to stay, keen on new project.
✅?? pic.twitter.com/UGCd2J12FQ
— Fabrizio Romano (@FabrizioRomano) August 12, 2024
