Само неколку недели откако претседателот на Барселона, Жоан Лапорта успеа да го убеди тренерот Чави Ернандез да остане во клубот, шпанските медиуми пренесуваат дека стратегот сепак ќе го напушти „Камп Ноу“ на крајот од сезоната, бидејќи Лапорта ќе му врачи отказ.

Кога во јануари објави дека заминува, долго се зборуваше за одлуката на Чави. Претседателот на клубот изјави дека прави сè што е во негова моќ да ја задржи легендата на Барселона на клупата, а неодамна успеа да ја промени својата одлука.

Иако Чави во текот на целата сезона често велеше дека неговото мислење нема да се промени и дека нема да остане во каталонскиот клуб, разговорите со претседателот на клубот донесоа поинаков исход. Сепак, на крајот Лапорта ќе биде тој што ќе го отпушти шпанскиот тренер од клубот.

??| Joan Laporta has decided that Xavi will NOT continue at Barcelona next season. [@gerardromero, @alexpintanel] #fcblive ❌ pic.twitter.com/dd03uBZUN5

— BarçaTimes (@BarcaTimes) May 17, 2024

Имено, на претседателот не му се допаднаа изјавите на Чави поврзани со недостигот на финансиски средства и како тоа е главниот проблем кога се во прашање засилувањата за следната сезона. Тој исто така истакна дека сè ќе биде исто доколку не се доведат доволно добри играчи и дека Барселона нема да може да му парира на Реал Мадрид.

Сè уште нема официјална потврда за разделбата на клубот и тренерот. Прашање е и кој ќе го замени. Се споменуваат имињата на Ханси Флик, Томас Тухел и Серхио Консеисао.